Şev

Şev, di vegotina xwe de, wisa rasterast behsa tiştekî, rûdanekê an jî rastînekê nake; û her tiştî wisa aşkere nîşan nade.

Roman di vegotinê de rengekî dîstopîk dide xwe; lê behsa dîstopyayekê jî nake. Karakter, hêma, metafor, şûngeh, feraseta birêvebirinê ku serdest e û hêzên tarî û nepen di romanê de bi jîyana sosyal re dibin yek.

Şev, amaje bi rewş û seqaya mirovên wisa dike ku dem û welatê wan nayê zanîn û zor li wan tê kirin ku di nav tarî, qerqeşûn û kaosê de bijîn.

Bilge Karasu, gava van taybetîyên romana xwe dihone; zimên, her wekî kirdeyekî ku bi hebûna tişteyên xwe reng û awa dide xwe bi kar tîne û bi çalakîya kirdeyên romanê ve jî, di her carê de, bêyî ku em li zimanê vegotinê neban bin, zimanê romanê ji nû ve saz dike.

Weşanxaneya Lîsê bi serfirazî Şeva Bilge Karasu bi wergera Dilawer Zeraq pêkêşî we dike.