Efsaneyên Devera Agirî û Îdirê

Nîhat Öner di vê xebata xwe de bi piranî ji devera Agirî û Îdirê 135 efsane dane hev ku her efsaneyek digel kunyeya wê tomar kiriye û ji berhevkariyê bigre heya deşîfrasyonê li gorî rê bazên berhevkariya folklorê tevgeriyaye.
Xaleke din a girîng ya vê xebatê ew e ku xebateke herêmî ye û tenê efsaneyên devera Agirî û Îdirê vedihewîne. Ev yek, civaka vê deverê bi rêya van vegêranan bêtir bi me dide nasandin. Öner, van efsaneyên tomarkirî di bin 8 sernavan de dabeş kiriye ku senifandina wî bi rêbaza senifandinên navneteweyî yên efsaneyan re mutabiq e.
Di vê xebatê de ev cûre efsane hatine tomarkirin: Efsaneyên li ser cih û waran, yên li ser cinawir û heywanan, yên li ser cin û periyan, yên li ser nexweşiyan, yên li ser kok û bingeha eşîran, yên li ser kesayetan, yên li ser siruştê û herî dawî jî yên li ser miriyan.